Nordic Drugs er lyfjafyrirtæki sem markaðssetur lyf á Norðurlöndunum. Uppistaðan í vörum fyrirtækisins eru samheitalyf, bæði lausasölulyf og lyfseðilsskyld, þó frumlyf megi þar einnig finna.

Nordic Drugs var stofnað árið 1995 með höfuðstöðvar í Malmö í Svíþjóð, í miðju Eyrarsundssvæðinu. Fyrirtækið rekur eigin skrifstofur á öllum Norðurlöndunum utan Íslands. Stærst er markaðshlutdeildin í Svíþjóð en góður vöxtur er í Danmörku, Finnlandi og Noregi.

Frá stofnun fyrirtækisins hefur árlegur vöxtur þess verið á bilinu 15-30% sem er langt umfram meðaltalsvöxt annarra lyfjafyrirtækja.