Saga Novo Nordisk hófst þegar hjónin August og Marie Krogh fóru til Ameríku árið 1922. Þar kynntust þau Fredrick Banting og Charles Best en þeir voru fyrstir í heiminum til að meðhöndla sjúklinga með sykursýki með mannainsúlíni. August og Marie Krogh voru bæði mjög áhugasöm um þessa meðferð sérstaklega vegna þess að Marie var með sykursýki. Þegar hjónin snéru aftur til Danmerkur, stofnaði August Krogh insúlínrannsóknarstofuna Nordisk Gentofte. Þar hófst meðhöndlun sykursjúkra með insúlíni árið 1923. Árið 1989 sameinuðust Nordisk Gentofte og Novo Industri og úr varð Novo Nordisk A/S.

Novo Nordisk er í dag leiðandi fyrirtæki á sviði líftæknilyfja og líftækni. Fyrirtækið hefur höfuðstöðvar í Bagsværd í Danmörku, með yfir 29.300 starfsmenn í 76 löndum og eru lyfin markaðssett í 179 löndum.

Novo Nordisk meðhöndlar ekki einungis sykursýki, heldur hjálpar fólki til að öðlast betra líf. Á þessari skilgreiningu byggjast allar ákvarðanir þeirra og framkvæmdir, og hún er það sem er drifkrafturinn í viðleitni þeirra til að þróa og bæta meðferðir við sykursýki, dreyrasýki, skorti á kvenhormónum eða vaxtarhormónum nú og í framtíðinni.

Til þess að mæta þörfum fólks með sykursýki, vinna þeir stöðugt að þróun nýrra insúlíntegunda og -penna til að fá meiri sveigjanleika í insúlínstjórnunina. FlexPen, sem kom á markað árið 2003, var frumherji á sviði einnota insúlínpenna og er nú mest notaði insúlínpenni í heiminum. Novo Nordisk á Íslandi sér um kynningu og markaðssetningu lyfja við sykursýki, dreyrasýki, skorti á kvenhormónum og vaxtarhormónum. Einnig hefur mikil áhersla verið lögð á útgáfu fræðsluefnis fyrir heilbrigðisstarfsfólk og sjúklinga í samvinnu við sérfræðinga og Samtök sykursjúkra.

Frekari upplýsingar um Novo Nordisk má finna hér: www.novonordisk.com

Styrkir Novo Nordisk:

2016:

• Scandinavian Society for the Study of Diabetes (SSSD) – ráðstefna í Öskju í apríl 2016

2015:

• Landspítalinn – Vísindasjóður göngudeildar sykursjúkra (deild G3)
• Landspítalinn – Málþing lyflæknasviðs í apríl 2015

2014:

• Barnaspítali Hringsins – Educational Day for the Children’s diabetes team
• Félag innkirtlasérfræðinga á Íslandi vegna fundar um beinþéttni á Íslandi
• 32nd International Symposium on Diabetes and Nutrition, 25.-27. júní 2014
• Samtök sykursjúkra

2013:

• Styrkur vegna rannsóknar á meðgöngusykursýki og fylgni við sykursýki týpu 2
• Styrkur til að sækja ISPAD (International Society for Pediatric and Adolescent Diabetes) ráðstefnu í Gautaborg í október

2012:

• Samtök sykursjúkra

2010:

• Samtök sykursjúkra
• Alþjóðlegi sykursýkidagurinn 14. nóvember