Vistor hefur verið umboðsaðili fyrir Orion Pharma á Íslandi frá apríl 2001. Orion Pharma er dótturfyrirtæki Orion Corporation, sem er að uppruna finnskt fyrirtæki sem sérhæfir sig í framleiðslu og sölu lyfja og annarra afurða á heilbrigðissviðinu. Frá stofnun fyrirtækisins árið 1917, hefur Orion þróast í það að verða stærsta lyfjafyrirtæki Finnlands. Fyrirtækið hóf inngöngu sína á alþjóðamarkaði fyrir u.þ.b. 30 árum síðan og hefur í dag útibú í 15 löndum.

Megináherslan í starfsemi Orion hefur alltaf verið framleiðsla og sala lyfja, þó að móðurfyrirtækið Orion Corporation hafi einnig verið með aðra starfsemi í gegnum árin. Fyrir u.þ.b. 20 árum síðan hóf Orion markvissa rannsóknarstarfsemi sem miðaði að því að uppgötva og þróa nýjar lyfjaeindir. Þessi vinna hefur nú þegar skilað sjö nýjum lyfjaeindum sem hafa verið markaðssettar á alþjóðamarkaði. Orion Pharma framleiðir og markaðssetur lyf.

Orion Pharma vinnur að markaðssetningu bæði frumlyfja sem hafa verið þróuð innanhúss og einnig samheitalyfja innan valinna sérfræðiflokka, þó megináherslan sé á frumlyfin. Rannsóknir og þróun innan frumlyfja er innan þriggja meginflokka: miðtaugakerfissjúkdóma, hjartasjúkdóma og bráðalækninga og hormónameðferðar.

Eigin starfsemi Orion Pharma er aðallega í Finnlandi og Skandinavíu. Frumlyf Orion Pharma eru markaðssett sjálfstætt í Skandinavíu og hluta af Evrópu, en í Bandaríkjunum og öðrum löndum er markaðssetning í samstarfi við önnur lyfjafyrirtæki. Heildsölu- og dreifingarhlutinn er í höndum Oriola og Kronans Droghandel (KD). Starfsemi Oriola er í Finnlandi, Balkanlöndunum og Svíþjóð. Kronans Droghandel starfar í Svíþjóð og Finnlandi. Í júlí 2002 eignaðist Orion meirihlutann (69%) í KD og var þar með orðið stærsti lyfjadreifingaraðili í Finnlandi (markaðshlutdeild 60%) og Svíþjóð (markaðshlutdeild nálægt 50%). Orion Diagnostica sérhæfir sig í greiningarprófum og kerfum á heilbrigðissviðinu.