AstraZeneca
Helstu umsvif AstraZeneca eru á sviði meltingarfæralyfja, hjarta- og æðasjúkdómalyfja, öndunarfæralyfja, krabbameinslyfja, staðdeyfi- og svæfingarlyfja og geðlyfja.
Vefsíða framleiðanda
AstraZeneca á Íslandi sér um kynningu og markaðssetningu lyfja frá AstraZeneca. AstraZeneca er meðal stærstu lyfjafyrirtækja í heimi og hefur um 4% markaðshlutdeild á lyfjamarkaði á Íslandi. Vistor hf. er umboðsaðili AstraZeneca á Íslandi og nýtir AstraZeneca sér þjónustu skráningardeildar Vistor ásamt stoðþjónustu, m.a. fjármáladeildar og rekstrardeildar Veritas, móðurfélags Vistor, og getur þannig einbeitt sér að markaðsmálunum.
Höfuðstöðvar AstraZeneca eru í Lundúnum og aðalstöðvar rannsókna og þróunar eru í Svíþjóð. Rannsókna- og þróunarstarf fer fram víða um heim, meðal annars í Svíþjóð, Bretlandi og Bandaríkjunum. Alls starfa rúmlega 60.000 manns hjá fyrirtækinu um víða veröld. Fyrirtækið ver árlega um 520 milljörðum íslenskra króna í rannsóknir og þróun eða 14% af veltu fyrirtækisins. Hjá AstraZeneca á Íslandi starfa nú 3 starfsmenn.
Hafðu samband
Lyfjalisti
Veritas samstæðan
