Livostin

Livostin augndropar

Upplýsingar um Livostin augndropa og við hverju þeir eru notaðir:

Livostin augndropar eru notaðir við ofnæmisóþægindum eins og augnroða, þrota í augum, rennsli úr augum og augnkláða. Livostin augndropar eru notaðir við ofnæmi af völdum frjókorna eða annarra loftborinna ofnæmisvalda frá t.d. gæludýrum, ryki eða myglu/sveppagróum.

Livostin vinnur gegn ofnæmi með því að hindra áhrif histamíns. Það er histamín sem veldur roða, þrota, kláða og rennsli úr augum.

Verkun Livostin hefst innan 15 mínútna.

Notkunarleiðbeiningar:

• Hristið dropaglasið vel og skrúfið tappann af. Fjarlægið hringinn af dropaglasinu þegar það er opnað í fyrsta sinn.
• Hallið höfðinu aftur.
• Þrýstið á botn dropaglassins og dreypið einum dropa varlega í augnkrókinn. Blikkið auganum um leið og neðra augnlokið er dregið niður, til að dropinn dreifist yfir allt augað.
• Með sama hætti skal gefa lyfið í hitt augað.

Skammtar:
Fullorðnir og börn: 1 dropi í hvort auga, 2 sinnum á dag.

Auka má skammtinn allt að 4 sinnum á dag. Hver dropi inniheldur u.þ.b. 15 míkróg a levobakastini. Halda skal meðferð áfram eins lengi og þörf krefur, þar til einkennin eru horfin.

Livostin augndropa má nota á meðgöngu og við brjóstagjöf.

Eftir að pakkning lyfsins hefur verið rofin má ekki nota innihaldið lengur en í 1 mánuð.

Livostin (inniheldur levokabastin), nefúði, dreifa og augndropar, dreifa. Livostin er notað gegn ofnæmisnefbólgu og ofnæmistárubólgu. Nefúða skal úða í hvora nösina. Augndropa skal dreypa í hvort augað. Lesið vandlega upplýsingar á umbúðum og fylgiseðli fyrir notkun lyfsins. Leitið til læknis eða lyfjafræðings sé þörf á frekari upplýsingum um áhættu og aukaverkanir. Sjá nánari upplýsingar um lyfið á www.serlyfjaskra.is. Markaðsleyfishafi er McNeil Sweden AB.

Livostin nefspray

Livostin nefúði

Upplýsingar um Livostin nefúða og við hverju hann er notaður:

Livostin nefúði er notaður við ofnæmisnefbólgu, sem einnig kallast nefslímubólga, en hún getur valdið nefstíflu, kláða og/eða nefrennsli. Livostin nefúði er notaður við ofnæmi af völdum frjókorna eða annarra loftborinna ofnæmisvalda frá t.d. gæludýrum, ryki eða myglu/sveppagróum.

Livostin nefúði hindrar áhrif histamíns í nefi. Histamín er efni sem losnar í vefjum líkamans í tengslum við ofnæmisviðbrögð og það getur t.d. valdið nefrennsli, nefstíflu og kláða í nefi.

Verkun Livostin hefst innan 15 mínútna.

Notkunarleiðbeiningar:

• Fyrst á að snýta sér.
• Hristið flöskuna og fjarlægið síðan hlífðarhettuna.
• Fyrir fyrstu notkun á að úða nokkrum sinnum út í loftið þar til fínn úði fæst.
• Haldið úðaflöskunni eins og myndin sýnir. Hallið höfðinu lítið eitt fram. Lokið annarri nösinni með fingri og úðið í hina nösina.
• Úðið 2 sinnum og andið samtímis dálitlu lofti inn í gegnum nösina. Endurtakið þetta við hina nösina.

Skammtar.
Fullorðnir og börn: 2 úðaskammtar í hvora nös, 2 sinnum á dag.