Sjórnendur, stjórn og skipurit

Arnar tók við starfi framkvæmdastjóra af Gunni Helgadóttur síðla árs 2020. Hann er með M.Sc. í markaðsfræði frá Copenhagen Business School og B.Sc. í hagfræði frá Auburn Montgomery. Áður en Arnar tók við starfi framkvæmdastjóra starfaði hann sem markaðsstjóri hjá Vistor síðan um mitt ár 2018. Þar áður starfaði hann hjá Novo Nordisk, bæði sem vörustjóri í höfuðstöðvum, sem og í þýskum og dönskum dótturfélögum fyrirtækisins.

Hrund Rudolfsdóttir er stjórnarformaður Vistor. Hún er forstjóri Veritas. Hrund var framkvæmdastjóri starfsþróunar hjá Marel Food Systems Corporate frá 2009-2013 og gegndi starfi framkvæmdastjóra rekstrar- og fjárfestingarverkefna hjá Milestone ehf./Moderna Finance ehf. frá 2007-2009. Þar áður var hún framkvæmdastjóri L&H eignarhaldsfélags, 2003-2007, og framkvæmdastjóri Lyfja & heilsu hf. 2003-2006. Hrund situr í stjórn Viðskiptaráðs og fjarskiptafélagsins Nova, ásamt því að vera stjórnarformaður í Artasan ehf., Distica hf., MEDOR ehf., Vistor hf. og Stoð ehf. Hún er með M.Sc. gráðu í alþjóðaviðskiptum frá Copenhagen Business School, Cand.Oecon. gráðu í viðskiptafræði frá Háskóla Íslands, ásamt því að hafa lokið Advanced Management Program (AMP) frá IESE Business School.

Guðbjörg er með meistaragráðu í lyfjafræði frá danska lyfjafræðiháskólanum og lauk AMP námi frá INSEAD árið 2007. Guðbjörg hefur rúmlega 30 ára starfsreynslu af sölu- og markaðsmálum innan lyfjageirans og hefur verið í stjórnunar- og áhrifastöðum innan hans í rúm 20 ár. Hún hóf störf hjá Pharmaco árið 1977, sem síðar varð Vistor. Frá árinu 2008 gegndi hún stöðu framkvæmdastjóra fyrirtækisins, þar til hún lét af störfum árið 2012. Í gegnum tíðina hefur Guðbjörg verið fulltrúi lyfjamála í ýmsum nefndum og ráðum. Þá skipaði ráðherra Guðbjörgu í nefnd til að móta lyfjastefnu, en sú nefnd hefur lokið störfum.

Ingólf­ur Örn Guðmunds­son er með B.Sc. gráðu í vöruhönnun frá Ohio State University, MBA gráðu frá Háskóla Íslands, ásamt því að hafa lokið námi í PMD (Project Management in Development) frá Háskólanum í Reykjavík. Ingólfur hef­ur starfað í alþjóðlegu um­hverfi markaðsmá­la í yfir 25 ár. Lengst­um starfaði hann hjá Mar­el, fyrst inn­an sviðs vöruþró­un­ar sem vöru­hönnuður en um 22 ára skeið leiddi hann alþjóðlega uppbyggingu markaðsstarfs hjá Mar­el. Hann hef­ur að auki komið að margs kon­ar verk­efn­um á sviði vöruþró­un­ar, stefnu­mót­un­ar og sölu­mála. Árið 2018 venti Ingólf­ur kvæði sínu í kross og byggði upp markaðsmá­l­in hjá nýsköp­un­ar­fyr­ir­tæk­inu Kerec­is og síðan starfaði hann um skeið sem framkvæmdastjóri viðskiptaþróunar hjá Skaganum 3X, áður en hann hóf störf sjálfstætt sem ráðgjafi á sviði markaðsmá­la.